Pas publikimit të përgjimeve ndaj Moisi Habilajt që përmend se ?30 mijë euro duhet t?ia çojë Saimirit?, ka reaguar për herë të parë Kryeministri Edi Rama.<br /><br />Në një postim në Facebook, shefi i qeverisë shqiptare shkruan se biseda e përgjuar është ?neveritëse dhe shokuese?.<br />Kryeministri Rama thotë se sa më parë duhet të zbulohet e vërteta dhe kjo çështje të shkojë deri në fund.<br /><br />Rama thotë se Saimir Tahirin e njeh prej vitesh dhe e konsideron me integritet, por qeveria e re është krijuar për të mos toleruar askënd dhe lufta me krimin do të vazhdojë.<br /><br />Reagimi i kryeministrit Edi Rama:<br /><br />DUAM TË VËRTETËN! SA MË PARË!<br /><br />Është e neveritshme dhe shokuese çka ka dalë prej bisedave të dy kriminelëve!<br /><br />Saimir Tahirin e njoh prej vitesh dhe kam pasur vetëm fjalë mbështetjeje e inkurajimi për të, si person me qëllime të mira, aftësi dhe integritet.<br /><br />Por Shqipëria dhe shqiptarët sot duan e meritojnë të dinë të vërtetën, vetëm të vërtetën dhe asgjë tjetër përveç të vërtetës. Prandaj të gjitha organet ligjzbatuese, duhet t?i shkojnë deri në fund e pa humbur kohë kësaj historie, për të hedhur dritë të plotë mbi faktet.<br /><br />Vetë qeveria e re është krijuar për të mos falur e as toleruar këdoqoftë, që zgjedh rrugën e krimit në vend të rrugës së Shqipërisë që duam - Me shtet, punë, mirëqenie.<br /><br />Asnjë luhatje. Asnjë rezervë. Asnjë dyshim: Lufta jonë me krimin do të vazhdojë në çdo ditë me edhe më shumë forcë. Deri në fund! /tvklan.al
