Prokuroria për Krimet e Rënda i ka nën hetim vëllezerit Habilaj për llogari të saj që prej pranveres së vitit 2016. Një hetim për një sasi të madhe droge të gjetur në Treblovë e Vezhdanisht të Vlorës, në të cilin është përfshirë edhe Antimafia e Leçes.<br /><br />Për drogen e kapur në këtë zonë, një javë më parë u dërguar në gjyq 7 persona ndër ta dhe një oficer policia si pjesë e një grupi kriminal që kultivonte kanabis.<br /><br />Por sipas të dhënave të Shërbimit Informativ Shtetëror, prej të cilave nisi edhe goditja e grupit, organizatorë të kultivimit dyshohet të jenë vëllezërit Moisi dhe Florian Habilaj.<br /><br />Krimet e Rënda e kanë veçuar dosjen e Habilajve nga grupi tjetër i paraqitur në Gjykatë. <br /><br />Në këtë hetim merr pjesë dhe një Task-Force e ngritur nga Prokuroria e Krimeve të Rënda e asistuar nga Antimafia e Leçes.<br /><br />Në fokus të punës së saj është zbërthimi i mënyrës se si funksiononte kjo organizatë, e cila është nga më të sofistikuarat që ka hetuar ndonjëherë Prokuroria Shqiptare.<br /><br />Prokurorisë së Katanias iu deshën plot 4 vjet për të dokumentuar veprimtarinë kriminale të Habilajve.<br /><br />Pritet që edhe dosja në të cilën permend ish-ministri i Brendshëm Saimir Tahiri të bashkohet me këtë dosje në vendi tonë.<br /><br />Krimet e Rënda kanë marrë kontakt me palën italiane dhe janë në pritje të letër porosive dhe dosjes së plotë hetuar nga Antimafia.<br /><br />Bashkëpunimi me palët italianë ka filluar pasi për llogari të operacioni ku u arrestuan 7 persona, në Shqipëri janë shpallur në kërkim dy anëtarë të tjerë të grupit.<br /><br />Për familjen Habilaj, Prokuroria do të fillojë dhe një hetim pasuror. Dyshohet se kjo familje ka prona të shumta të paluajtshme dhe llogari bankare, të krijuara nga aktiviteti kriminal i trafikut të drogës.
