Subscribe në Ora News këtu http://bit.ly/1s5j7UT<br /><br />Sapo u vu në dijeni të kërkesës së Prokurorisë së Krimeve të Rënda për heqjen e imunitetit të deputetit Saimir Tahiri, kryedemokrati Lulzim Basha, i bëri thirrje Kuvendit të mbledhë menjëherë Komisionin e Mandateve dhe seancën plenare.<br />Basha tha se PS është sot në buzë të greminës nëse nuk shkëputet nga Edi Rama dhe grupi kriminal që ai solli në krye të PS.<br />Ai apeloi për largimin e menjëhershëm të Kryeministrit.<br />Basha: Prokuroria e Krimeve të Rënda sapo ka njoftuar depozitimin në Kuvendin e Shqipërisë të kërkesës për heqjen e munitetit për arrestimin dhe kontrollin e banesës të deputetit Saimir Tahiri. I bëj thirrje kuvendit të veprojë menjëherë. I bëj thirrje kuvendit të mbledhë menjëherë komisionin e mandateve dhe seancën plenare për të vepruar pa vonesë. Çdo orë, çdo minutë vonesë do të shërbejë për shkatërrimin e provave. Sot është koha që cdo shqiptar i ndershëm dhe cdo deputet në kuvendin e Shqipërisë që ndihet përgjegjës para tyre të veprojë në përputhje me ligjin dhe Kushtetutën. Arrestimi i Saimir Tahirit është vetëm hapi i parë.<br /><br /><br />Për më shumë lexoni në: http://www.oranews.tv/vendi/basha-kuvendi-ti-hape-rruge-arrestimit-te-saimir-tahirit-rama-te-ike/
