Rreth 4 ton drogë u zbuluan mbrëmjen e kaluar nga policia në fshatin Babicë të Vlorës, e paketuar. Kjo është sasia më e madhe e lëndës narkotike e sekuestruar nga policia në Qarkun e Vlorës, pas asaj të Llakatundit korrikun e këtij viti. <br /><br />Në pamjet e siguruara nga Report Tv brenda vilës dykatëshe, duket se kanabisi ishte sistemuar në thasë, çka lë të kuptohet se lënda narkotike ishte bërë gati për t'u trafikuar drejt vendeve fqinje. <br /><br />Sipas Policisë së Shtetit droga i përket grupit të Moisi Habilajt i cili u arrestua pak ditë më parë nga policia italiane në Siçili teksa po ankoronte në brigjet italiane peshkarexhën ?Fatima? me 800 kg kanabis.
