Mbyllen të gjitha dyqanet e mishit në qytetin e Kuçovës.<br />Shkak për këtë është bërë bllokimi i dy thertoreve në këto zona nga Autoriteti Kombëtar i Ushqimit.<br /><br />Pronarët e thertoreve shprehen se plotësojnë kriteret, por nuk e dinë arsyen e një mase të tillë.<br /><br />Ata thonë se kanë kërkuar shpjegim për situatën, por askush nuk i përgjigjet.<br /><br />Që prej një jave dyqanet e tregëtimit të mishit në qytetin e Kuçovës nuk punojnë.<br /><br />Një pjesë e tyre kanë mbyllur dyertë, ndërkohë që të tjerë janë gati të mbyllen, pasi nuk kanë se çfarë të tregëtojnë.<br /><br />Shkak për këtë është bërë bllokimi i dy thertoreve që ndodhen në këtë zonë nga AKU.<br /><br />Tregëtarët e mishit në qytetin naftëtar shprehen se kanë trokitur në dyertë e AKU-së në Berat, pranë bashkisë së tyre në Kuçovë, por askush nuk u jep asnjë informacion se ku do ti kryejnë therrjet e mishit në kushtet ku thertoret nuk funksionojnë.<br /><br />Sakaq, nga ana tjetër pronari i një prej thertoreve që ndodhet në këtë zonë shprehet se e ka hapur aktivitetin vetëm një vit më parë, pas përmbushjes së kritereve për liçensimin e thertoreve, ndërkohë që pa asnjë shpjegim, i është mbyllur aktiviteti.
