Subscribe në Ora News këtu http://bit.ly/1s5j7UT<br /><br />Një aksident i rëndë u shënua mbrëmjën e së premtes (20 tetor 2017) në fshatin Vrakë të rrethit Malësi e Madhe, ku treni i mallrave përplasi një furgon tip Benz me targë AA665 PR, që po kalonte nga rruga dytësore e fshatit për në superstradë.<br />Fatmirësisht nuk pati të lënduar, por vetëm deme materiale, ndërsa mësohet se drejtuesi i trenit nuk ka ndaluar pas goditjes së automjetit.<br />Shkak i aksidentit dyshohet të ketë qënë pamja e kufizuar si pasojë e errësirës dhe pakujdesia e treguar në momentin që treni po kalonte në këtë zonë.<br />Megjithëse u njoftuan nga drejtuesi i mjetit dhe banorët e zonës, forcat policore nuk mbërritën në vendngjarje për më shumë se 1 orë, për të nisur më pas akt-ekspertizën, që zbardh shkaqet e kësaj përplasje.<br />Aksidenti mund të kishte rezultuar më i rëndë e me pasoja fatale, nëse drejtuesi i mjetit nuk do të kishte manovruar me shpejtësi, për të shmangur përplasjen ballore me trenin.<br />Pritet që grupi hetimor të dalë me konkluzionet përfundimtare mbi këtë aksident, që për fat të keq është i radhës në këtë zonë.<br />Asnjë masë deri më sot nuk është marrë për mbikalimet e shumta që nderpresin linjën hekurudhore, ndërsa prej vitesh përveç sinjalistikës së mbetur vende ? vende pa u dëmtuar, nuk ka më asnjë tra pengues apo roje sigurie në zonat e banuara.<br />Linja ndërkombëtare hekurudhore Shkoder ? Bajzë ? Mal i zi shërben vetem për mallra, jo për pasagjerë.<br /><br />Për më shumë lexoni në: <br />http://www.oranews.tv/vendi/treni-i-mallrave-perplas-furgonin-dhe-largohet-pa-ndaluar/
