Ujërat e liqenit të Knallës në hyrje të Shëngjinit janë ndotur.<br /><br />Dyshohet për lëndë kimike.<br /><br />Situata pranohet edhe nga Drejtoria Rajonale e Mjedisit në Lezhë.<br /><br />Kreu i institucionit Ferdinand Ndoja thotë se po pritet kryerja e analizave dhe gjendja është alarmante.<br /><br />"Aty gjatë natës është shumë e mundur që të jetë shpërlarë ndonjë bot që shpërndan lëndë kimike."<br /><br />Banorët e zonës shprehen se prej kohësh ndotja vazhdon dhe kjo po e bën atë të pabanueshme.<br /><br />"Ne mbaruam krejt si lagje. Vjen një orë në lagje që s'mundesh as me ngrënë bukë sa me marrë frymë."<br /><br />"Katër fëmijë. Gjashtë fëmijë shtëpia tjetër. Landfilli në këtë anë, Knalla në tjetër anë, a do rriten këta fëmijë?"<br /><br />Janë rreth 25 hektar sipërfaqe ujore e cila është ndotur me lëndë që dyshohen të jenë të rrezikshme duke dëmtuar gjallesat e ujit. Ministria e Turizmit dhe Mjedisit nuk është paraqitur akoma për të analizuar gjendjen si dhe masat që duhen marrë.<br /><br />Tv Klan
