Subscribe në Ora News këtu http://bit.ly/1s5j7UT<br /><br />Emisioni investigativ BOOM në RTV Ora News denoncoi mbrëmjen e sotme lënien terësisht në harresë të kalasë së Skëndërbeut në Kepin e Rodonit. Monumenti i Kulturës numëron dhjetra vizitorë e turistë në ditë por problem mbetet ndotja, mbetje urbane nga më të ndryshmet te hedhura kudo.<br /><br />Më datë 30 gusht përmes një statusi në rrjetin social Facebook, kryeministri Edi Rama, njoftoi se qeveria e re e Shqipërisë në vendimin e saj të parë do të shpallte vitin mbarëkombëtar të Skënderbeut.Mes rreshtave të këtij statusi ai shkruan:<br /><br />?Një Komision i Posaçëm do të ngrihet për organizimin dhe promovimin e këtij viti, ku përveç 550-vjetorit të vdekjes së Heroit tonë Kombëtar, spikasin edhe tre përvjetorë të tjerë, me rëndësi themelore për kombin shqiptar. Por padyshim në harkun e vitit që i lidh këta përvjetorë, ka edhe momente të tjera për të kujtuar e kremtuar, ngjarje e figura të historisë sonë kombëtare. Kontributi i çdokujt prej jush dhe i kujtdo që ka një ide, sugjerim, propozim për kalendarin e aktiviteteve të vitit mbarëkombëtar të SKënderbeut, është mëse i mirëpritur? .<br /><br />Në 28 nëntor është 105 vjetori i shpalljes së pavarësisë, 17 janar kremtohet 550 vjetori i vdekjes se Heroit tonë Kombëtar dhe 10 qershori që përkon me 140 vjetorin e themelimit të Lidhjes Shqiptare të Prizrenit.<br /><br />Një muaj pas publikimit të këtij statusi, kryeministri i Shqipërisë Edi Rama dhe ai i Kosovës Ramush Haradinaj, prezantuan dhe ngritjen e komisionit shtetëror të vitit mbarëkombëtar të Skënderbeut. <br /><br />Përveç emrit dhe bëmave të tij, Heroi ynë Kombëtar ka lënë pas dhe kala të ndërtuara në kohën e tij, që sot janë kthyer në Monumente Kulture.<br /><br />Një prej tyre është edhe Kalaja e Skënderbeut e vendosur në Kepin e Rodonit. Kjo kështjellë filloi të ngrihej mbas rrethimit të parë të Krujës në vitin 1450.<br /><br />Përfundimi i saj mendohet të jetë bërë rreth vitit 1452. Sot janë mbetjet ato që kanë pushtuar këtë kala. Aty është vendi ku të vjen turp ta quash vetën pasardhës i Skënderbeut.<br /><br />Ky Monument Kulture duket tërësisht i lënë në harresë. As mirëmbajtje, as pastrim, as kosha mbeturinash, asgjë. Vetëm pisllëk dhe dhjetra, qindra turistë, vendas dhe të huaj që e vizitojnë çdo ditë.<br /><br />Meqenëse Rama kërkoi sugjerime apo ide për vitin mbarëkombëtar të Skënderbeut, BOOM ka një sugjerim për Kryeministrin: Të vërë dorë mbi këtë Monument Kulture, mbi kalanë e Skënderbeut.<br /><br />Për më shumë lexoni në: http://www.oranews.tv/vendi/boom-shpetoni-kalane-e-skenderbeut-nga-plehrat/
