Subscribe në Ora News këtu http://bit.ly/1s5j7UT<br /><br />Ministri i Bujqësisë dhe Zhvillimit Rural e ka thënë hapur se Shqipëria ka dështuar në standartet e sigurisë ushqimore.<br />Gjatë inspektimit të një thertoreje në Elbasan, Niko Peleshi, tha se në këtë aspekt vendi ynë është edhe pas Bosnje Hercegovinës, Maqedonisë, Kosovës dhe Malit të Zi.<br />Peleshi: Duhet ta pranojmë, duke u skuqur, për hir të së vërtetës, se ne kemi dështuar, krahasuar edhe me vendet përreth, Maqedoninë, Kosovën, Malin e Zi, Bosnjën dhe padyshim me çdo vend të BE-së ku sistemi i sigurisë ushqimore, zinxhiri i kontrollit është i ngritur nga ferma në tavolinë.<br />Mungesa e standardeve, theksoi Ministri, ka bërë që Shqipëria të mos mund të eksportojë produkte shtazore në asnjë vend të botës, ndërsa masat e marra do të rekuperojnë sa më shpejt të jetë e mundur kohën e humbur.<br />Peleshi: Ambicia jonë është që brenda pak viteve, mundësisht brenda gjysmës së parë të këtij mandati, ne të arrijmë të drejtën e eksportit të produkteve shtazore Që të arrijmë të drejtën e eksportit të produkteve shtazore, drejt BE-së duhet të plotësojmë kërkesat, pra të ngremë sistemin e sigurisë ushqimore. Përsa i përket mishit, nëse ne do të lejojmë therje të mishit në rrugë apo në pika të palicensuara, as që bëhet fjalë të pretendojmë hapësirë në tregun europian.<br /><br />Për më shumë lexoni në: http://www.oranews.tv/vendi/siguria-ushqimore-peleshi-e-pranojme-duke-u-skuqur-qe-kemi-deshtuar/
