Pas vendimit të parlamentit është Gjykata e Krimeve të Rënda që do të vendos tashmë nëse banesa e ish ministrit të brendshëm Saimir Tahiri do të kontrollohet apo jo.<br />Report Tv ka kontaktuar me grupin hetimorë të cilët sqaruan se pas marrjes zyrtarisht të vendimit të parlamentit ata do të vendosin nëse është apo jo i nevojshëm kontrolli i banesës.<br /><br />Nëse prokurorët do të kërkojnë të kontrollojnë banesën e ish ministrit tashmë në hetim për trafik droge dhe korrupsion, kjo kërkesë e tyre do të vlerësohet nga gjykata e krimeve të rënda.<br /><br />Ndërkohë ish- ministri Tahiri ka hyrë në banesën e tij 60 minuta më parë, nga ku ka dal për një kafe dhe është rikthyer sërish.<br /><br />Në momentin që është kthyer në banesë, ish- ministri u është drejtuar gazetarëve duke u shprehur: ?Nuk kam asgjë për të thënë, është e kotë që rrini këtu?.
