Denoncimi i prindërve të një adoleshenteje 18 vjeçare, për largimin e saj nga banesa në muajin Prill të këtij viti, zbuloi një rrjet të shfrytëzimit të prostitucionit në Tiranë.<br /><br />Vajza ishte rrëmbyer nga disa djem dhe ishte mbajtur në një motel për t?u shfrytëzuar për prostitucion.<br /><br />Ky është momenti kur policia e kryeqytetit arreston dy nga 10 anëtarët e këtij rrjeti në një hotel në afërsi të tregut elektrik në kryeqytet.<br /><br />Jani Murati, i njohur edhe me emrin, Gëzim Kasemi, apo Nikollaq, ishte koka e rrjetit kriminal. Ai kishte si menaxhere të femrave Albina Kasën, 26 - vjeçe, ndërsa Ruzhdi Gapi, 41 vjeç, ishte taksisti i grupit.<br /><br />Për çdo vajzë që iu ofrohej për seks klientëve, grupi merrte një pagesë që varionte nga 50 - 150 euro.<br /><br />Si pjestarë të grupit, u arrestuan edhe Edmond Shkalla, Altin Sulejmanasi dhe Elton Mimini. Tri nga gratë ishin të divorcuara dhe të papuna, çka i detyronte ato të ushtronin prostitucion për të siguruar jetesën.<br /><br />Hetimi i grupit zgjati 7 muaj, gjatë së cilës policia tha se klientë të grupit ishin bërë edhe njerëz të rëndësishëm të botës së biznesit apo administratës në vend.<br /><br />Tv Klan
