Gjatë 24 orëve të fundit nga Strukturat e Drejtorisë Vendore të Policisë Durrës janë finalizuar dy operacione antidrogë të koduara" Vazhdimësia " dhe " Mafsheq ".<br /><br />Në një konferencë për shtyp, Drejtori i Policisë së Durrësit, Alfred Çepe tha se në këto operacione janë sekuestruar Heroinë, Cannabis Sativa, peshore elektronike, vlera monetare dhe aparate celularë.<br /><br />Si dhe janë arrestuar në flagrancë tre shtetas dhe proceduar në gjëndje të lirë një shtetase.<br /><br />Më konkretisht: Specialistët për Hetimin e Narkotikëve në Drejtorinë Vendore të Policisë Durrës në bashkëpunim me Prokurorinë e Rrethit Gjyqësor Durrës, pas një hetimi disa mujor ku janë përdorur metodat speciale të hetimit, gjatë ditës së djeshme në bashkëpunim me Forcën e Posaçme Operacionale në Drejtorinë e Përgjithshme të Policisë së Shtetit kanë finalizuar me sukses operacionin e koduar " Vazhdimësia".<br /><br />Në kuadër të këtij operacioni janë arrestuar në flagrancë shtetasit:<br /><br />? Nderim Mona 52 vjeç, banues në Durrës;<br />? Arjan Abdyli 20 vjeç, banues në Durrës;<br /><br />Gjithashtu ka filluar procedimi penal në gjendje të lirë në ngarkim të shtetases me iniciale:<br /><br />? E.R. 31 vjeçe, banuese në Durrës.<br /><br />Gjatë kontrollit fizik dhe në banesat e shtetasve të mësipërm u gjetën dhe sekuestruan në cilësinë e provave materiale:<br /><br />? rreth 117 gr lëndë narkotike e dyshuar e llojit Heroinë, dhe 18 doza;<br />? 1 peshore elektronike;<br />? 40 000 lekë të reja;<br />? 11 aparate telefoni celularë.<br /><br />Gjithashtu, po nga Specialistët për Hetimin e Narkotikëve në bashkëpunim me Efektivet e Komisariatit të Policisë Krujë, dhe Prokurorinë e Rrethit Gjyqësor Krujë është finalizuar dhe një tjetër operacion anti-cannabis i koduar ?Mafsheq", ku është arrestuar në flagrancë shtetasi:<br /><br />? Lik Kabili 64 vjeç, banues në Krujë.<br /><br />Gjatë kontrollit të ushtruar në banesën e shtetasit Lik Kabili dhe territorin përreth banesës së tij , Policia ka gjetur dhe sekuestruar në cilësinë e provës materiale:<br /><br />? rreth 22 kg e 450 gr lëndë narkotike e dyshuar e llojit Cannabis Sativa, e ndarë në 5 thasë.<br /><br />Në bashkëpunim me Prokurorinë po vijojnë hetimet për zbulimin e autorëve të tjerë të implikuar në këtë veprimtari kriminale.<br /><br />Materialet në ngarkim të shtetasëve të arrestuar dhe proceduar kaluan Prokurorisë për veprime të mëtejshme.<br /><br />Policia e Durrësit fton të gjithë qytetarët që të denoncojnë çdo rast të paligjshmërisë duke garantuar anonimatin e tyre si dhe reagimin e shpejtë dhe të paanshëm të Policisë./tvklan.al
