Autoritetet në Tiranë kanë vënë në pranga 4 persona, të cilët akuzohen për vjedhje automjetesh. Ata janë Mariglen Deva, 23 vjeç, Denis Baroka, 29 vjeç, Bledar Gjoka, 38 vjeç, të tre banues në Fushë Krujë, dhe Fatbardh Krova, 30 vjeç, banues në Tiranë. Gjithashtu janë proceduar në gjendje të lirë B. Sh., 54 vjeç, A. H., 41 vjeç, banues në Fushë Krujë<br /><br />Mariglen Deva është kapur në flagrancë në rrugën ?At Zef Pëllumbi?, teksa po tentonte të vidhte makinën "Mercedes Benz", në pronësi të B. M.<br /><br />Në afërsi është konstatuar një makinë "Opel", brenda së cilës qëndronin tre personat e tjerë, të cilët u arrestuan nga policia.<br /><br />"Nga hetimet e kryera ka rezultuar se shtetasit e sipërpërmendur, vinin në Tiranë duke përdorur automjetin e markës "Opel Corsa", më pas bënin shënjestrimin e automjetit, i thyenin xhamin e pasëm dhe duke bërë zëvedësimin e çentralinës bënin ndezjen e automjetit", sqaron policia.<br /><br />Automjetet që vidhnin i shisnin në pikat e skrapit të B. Sh. dhe A. H, përkundrejt shumave monetare nga 500 deri në 1000 euro.<br /><br />Gjatë kontrollit fizik, atyre u janë gjetur dhe sekuestruar një kaçavidë, një palë doreza, një orë dore e marrë në automjetin e markës "Mercedes Benz", Pesë aparate telefonik të markave të ndryshme<br /><br />Ndërsa nga kontrollet e kryera në pikat e skrapit të B. Sh. dhe A. H., janë gjetur katër dyer automjeti të markës "Mercedes Benz", dy sinjale automjeti të markës "Mercedes Benz",dy amplifikator automjeti të markës "BMË", një diferencial automjeti i markës "Mercedes Benz", një grup timoni automjeti i markës "Mercedes Benz", një grup timoni automjeti i markës "BMW", pjesë të ndryshme nga një automjet i markës "Volkswagen".
