Qeveria ka depozituar për shqyrtim në Kuvend projektligjin për Statusin e Minatorit, prej të cilit, për herë të parë, punonjësit e nëntokës do të kenë një trajtim të veçantë financiar dhe shëndetësor.<br />Prej dy vitesh, ish-minatorët, Nikollë Gjoka dhe Dedë Marku, kanë punuar për hartimin e këtij drafti, që në media u paraqit si produkt i politikës.<br />Në draft, parashikohet që vjetërsia e punës në minierë nga 15 vite të zbresë në 10 vite e 6 muaj.<br />Nikollë Gjoka: ?Ne kemi bërë një propozim, që Statusin e Minatorëve ta përfitojnë dhe të dalin në pension me 10 vite e 6 muaj. Kush ka plotësuar 55 vite moshë ka punuar 10 vite e 6 muaj në minierë t?i jepet e drejta e Statusit të Minatorit. Statusi i Minatorit të shoqërohet me 50% të pensionit shtesë page. Me një përllogaritje page me pagën minimale 100%. Pra, në qoftë se ka qenë paga 24 mijë të shkoj 48 mijë ose 35 mijë në 70 mijë. Kemi kërkuar që çdo vit mbi 10 vite e 6 muaj, të shoqërohet me një shtesë 3%? .<br />Nga statusi do të përfitojnë rreth 10 mijë minatorë, ku do të përfshihen edhe mbi 2 mijë punonjës të prekur nga reformat, ish- të dënuarit e regjimit komunist që kanë punuar në miniera apo personat që kanë pësuar dëmtime invaliditeti.<br />Dedë Marku: ?Ne parashikojmë që mund të jetë 8-10 mijë ajo masë që do përfitojnë. Do të përfitojë edhe personeli i inxhinierave teknik dhe drejtues të cilët kanë punuar në administratën e nëntokës; përfitojnë të gjithë ish të dënuarit politik të cilët gjatë vuajtjes së dënimit kanë punuar në miniera në nëntokë; punonjësit shpëtues dhe inspektorët e repartit të inspketim-shpëtim minierave të cilët plotësojnë kriteret?.<br />Në projektligj është kërkuar gjithashtu që për punën në minierë të vendoset paga bazë prej 70 mijë lekësh në muaj dhe për çdo vit të aplikohet shtesa për vjetërsi.
