Albert Bullgari u gjetur i vdekur në kanalin buzë autostradës Lushnje - Fier, pranë rreth rrotullimit të Kolonjës.<br /><br />55 - vjeçari ishte shpallur i humbur tre ditë më parë nga policia, pas denoncimit të bërë nga i biri i tij.<br /><br />Trupi i tij u pikas nga kalimtarë të rastit. Ishte hedhur në kanalin kullues, rreth dy metra larg autostradës.<br /><br />Nga këqyrja paraprake e trupit dyshohet se vdekja mund të ketë ndodhur jo më shumë se 24 orë më parë.<br /><br />Viktima ka plagë të shumta, por më e dukshmja është një prerje prapa kokës, 3 centimetra e thellë.<br /><br />Por ende nuk mund të përcaktohet nëse është ajo që i ka sjellë vdekjen. Gjithashtu, viktima ka shenja dhunë në ballë, në dy gjunjët dhe bërrylat. <br /><br />Ai mbante të veshur një bluzë me vija me krahë të shkurtra, ndërsa i mungonin pantallonat dhe ishte i zbathur.<br /><br />Këpucët i kishte të hequra dhe të hedhura anës rrugës. Identifikimi i viktimës është bërë në morgun e Lushnjes.<br /><br />Policia dyshon se ai mund të jetë vrarë dhe hedhur anës rrugës.<br /><br />Tv Klan
