Dritan Zagani vazhdon të mbajë të ndezura polemikat mes maxhorancës dhe opozitës.<br /><br />Pasi Kryeministri Edi Rama tha në emisionin "Zonë e Lirë" të Arian Çanit, në Tv Klan se ish ?shefi i Antidrogës rezulton i dënuar dhe kryetari i Partisë Demokratike e përgënjeshtroi, debatin mbi këtë çështje e ka ushqyer një dokument i publikuar nga Taulant Balla.<br /><br />Kryetari i Grupit Parlamentar socialist thotë se ky vendim i Gjykatës së Shkallës së Parë për Krime të Rënda, për ta lënë në burg Dritan Zaganin, është provë se kryetari i PD gënjeu në deklaratën e tij.<br /><br />Partia Demokratike replikoi duke sqaruar se dokumenti në fjalë është vetëm masë sigurie dhe jo dënim.<br />"Një masë sigurimi nuk është vendim dënimi. Aq më tepër kur masa e sigurimit i është dhënë për shkak të konspiracionit të strukturave të SHKB në varësi direkte të Tahirit".<br /><br />Dritan Zagani ka fituar azil politik në Zvicër. Krimet e Rënda që nisën hetimin ndaj tij e deleguan më pas dosjen në Gjykatën e Shkallës së Parë në Fier, nën akuzat për shpërdorim detyre dhe moskallëzim krimi.<br /><br />Tv Klan
