http://www.vizionplus.tv<br />https://facebook.com/VizionPlusTV<br />https://twitter.com/VizionPlusTV<br />Ekstremistët grekë të Agimit të Artë prishen ditën e festës kombëtare te Greqisë në ishullin e Santorinit.<br /><br /> <br /><br />Ata tentuan të pengojnë paradën e nxënësve me flamurin grek, që këtë radhë e mbante një vajzë shqiptare me rezultate të shkëlqyera.<br /><br /><br /> <br /><br />Pak minuta para se të niste parada me rastin e 28 Tetorit, Ditës së Luftës Kundër Fashistëve, grupi me 20 persona anëtarë të Agimit të Artë, disa prej të cilëve kishin veshur bluza të zeza në të cilat shkruhej ?Hellas Ultras? u përpoqën ta ndalonin.<br /><br /> <br /><br />Megjithëse nxënësja shqiptare ishte zgjedhur sipas ligjit grek për të mbajtur flamurin, ekstremistët hodhën parulla nacionaliste, duke krijuar tension.<br /><br /> <br /><br />Shumë prindër morën fëmijët, ndërsa mësuesit krijuan një gardh mes tyre për të ruajtur nxënësit.<br /><br /> <br /><br />Ndërsa policia ndërhyri duke shmangur shpërthimin e dhunës.<br /><br /> <br /><br />Ministria e Arsimit u shpreh se flamurin kanë të drejtë të mbajnë të gjithë fëmijët, të cilët marrin pjesë në shkolla.<br /><br /> <br /><br />Ky akti i Agimit të Artë u dënua në Greqi nga i gjithë spektri politik.<br /><br /> <br /><br />?Idetë kriminale të Agimit të Artë nuk kanë vend në shoqërinë greke?, theksoi në deklaratën për shtyp partia qeveritare Syriza. Konservatoret e Demokracisë se Re kërkuan nga qeveria të shmangë aktet e paligjshme, ndërsa Partia Komuniste greke deklaroi se akti i turpshëm i Agimit të Artë për të ndaluar 11-vjeçaren shqiptare të mbante flamurin grek tregon fytyrën e tyre të vërtetë naziste.
