Prokuroria e Krimeve të Rënda pritet të thërrasë për ta pyetur përsëri Saimir Tahirin në lidhje me akuzat të cilat rëndojnë mbi të.<br /><br />Burime nga grupi hetimor thanë për Tv Klan se janë edhe disa episode të tjera të cilat ish-minsitrit duhet të sqarojë në lidhje me përmendjen e emrit të tij në përgjimet e prokurorisë italiane për llogari të dosjes ?Habilaj?.<br /><br />Të premten ai u paraqit në organin e akuzës, me kërkesë të tij.<br /><br />Për 2 orë e 30 minuta ish -ministri qëndroi përballë prokurorëve Vladimir Mara dhe Dritan Prençi duke sqaruar pozicionin e tij në këtë çështje.<br /><br />Ai i mohoi akuzat se ka ndihmuar grupin e Habilajve në trafikun e kanabisit dhe hodhi poshtë akuzën për korrupsion.<br /><br />Grupi hetimor që ka në dorë këtë dosje është duke kryer disa veprime të tjera në funksion të kësaj çështje.<br /><br />Janë duke u mbajtur kontakte të vazhdueshme me Prokurorinë e Katanias dhe Antimafian, të cilat dokumentuan veprimtarinë e Habilajve. Në ditët në vijim një grup prokurorësh pritet të udhetojnë drejt Italisë për këtë dosje. Megjithatë Krimet e Rënda nuk kanë vëtëm këtë çështje për trafikun e kanabisit me Italianë. Mes Prokurorisë dhe Antimafias italiane janë ngritur disa grupe hetimore të përbashkëta qe po hetojnë disa banda të trafikut të kanabisit.<br /><br />Tv Klan
