Prezantimin e projekt-buxhetit dhe paketës fiskale për vitin 2018, ministri i Ekonomisë dhe Finanacave Arben Ahmetaj e bëri vetëm në prani të deputetëve socialistë, pasi opozita e braktisi konferencën e kryetarëve pa nisur ende diskutimi.<br /><br />Në një sallë gjysëm bosh, Ahmetaj argumentoi se rritja ekonomike dhe ulja e borxhit janë në themel të draftit të hartuar nga Ministria e drejtuar prej tij.<br /><br />Ministri Arben Ahmetaj: ?Buxheti 2018 është i vazhdimit të rritjes ekonomike, uljes së borxhit dhe konsolidimit fiskal që do mbeshtetet në dy shtyllat kryesore. Shtimi i të ardhurave nuk bazohet në rritje taksash, jo vetëm që nuk i kemi rritur, por në shumë sektorë i kemi ulur dhe ja vlen të theksojmë taksën zero për biznesin e vogël që do vijojë të jetë zero?.<br /><br />Ashtu si në konferencën e kryetarëve, opozita ka mbajtur të njëjtin qëndrim edhe në komisionet parlamentare, duke i bojkotuar ato.<br /><br />Tv Klan
