Mëngjesin e kësaj të marte, Inspektoriati Kombëtar për Mbrojtjen e Territorit nisi shembjen e 22 objekteve pa leje në Himarë, në kuadër të fazës së dytë të rikualifikimit urban të qendrës së qytetit.<br /><br />Për 12 ndërtime, gjykata ka vendosur pezullimin e vendimit të prishjes, deri në shqyrtimin e plotë të çështjes, ndërsa një pjesë e banorëve kundërshtuan aksionin e Inspektoriatit Kombëtar të Mbrojtjes së Territorit.<br /><br />Në mbështetje të aksionit janë aktivizuar rreth 163 forca policie dhe efektivë të Ndërhyrjes së Shpejtë.<br /><br />Policia njoftoi se shoqëroi një person që tentoi të ndezë një autobot me gaz brenda një objekti të planifikuar për t'u shembur. Të tjerë banorë u shfaqen me flamuj grekë dhe amerikanë.<br /><br />Kreu i Partisë Bashkimi për të Drejtat e Njeriut, Vangjel Dule thotë se ky aksion cënon identitetin e banorëve.<br /><br />Për prishjen e objekteve në Himarë reagoi pak kohë më parë edhe qeveria greke, që e cilësoi si shkelje të të drejtave të pronësisë së anëtarëve të minoritetit grek.<br /><br />Qeveria shqiptare sqaroi se prishja e ndërtimeve pa leje në rastet e rikualifikimeve urbane ka ndodhur në shumë qytete të vendit, duke e quajtur e provokuese dhe të paprecedentë ndërhyrjen e qeverisë greke.<br /><br />Sipas Tiranës zyrtare përfshirja në debatin e brendshëm politik në Shqipëri, përbën një shkelje të praktikës diplomatike të frymës së fqinjësisë së mirë dhe marrëdhënieve strategjike mes dy vendeve.<br /><br />Tv Klan
