Subscribe në Ora News këtu http://bit.ly/1s5j7UT<br /><br />Kryesia e Partisë Socialiste ka vendosur që në postin e kryetares së Partisë Socialiste për Tiranën të jetë deputetja socialiste Blerina Gjylameti, ndërsa Elisa Spiropali në postin e koordinatores kombëtare të Bashkëqeverisjes.<br />Ajo zëvendëson në këtë post ish-ministrin e Brendshëm, Saimir Tahiri, i cili është larguar nga të gjitha postet politike në parti pas publikimit të akuzave për lidhje me grupin e trafikut të drogës së Habilajve.<br />Vendimet janë marrë në mbledhjen e Kryesisë pasditen e sotme.<br />Kryetari i grupit parlamentar i partisë socialiste Taulant Balla pas mbledhjes së kryesisë sqaroi për mediat detyrat e reja të deputeteve për platoformën e bashkeqeverisjes dhe drejtimin e PS në qarkun më të madh.<br />Balla: Lidhet me raportimin dhe analizën e ecurisë të deritanishme të procesit të zgjeshjeve në PS. Prej datës 15 shtator ne kemi filluar një proces zgjedhjesh në nivelin e parë dhe të dytë organizativ të PS, kryetarët e organizatave.<br />Më pas do të pasojë me zgjedhjen e kryetarëve të këshillave socialistë në çdo njësi administrative, në 384 njësitë administrative të Shqipërisë. Si Sekretar i Përgjithshëm shpreh kënaqësinë për ecurinë e deritanishme.<br />Nesër do të kemi dhe kryetarët në nivel bashkie të PS për një raportim dhe identifikim më të detajuar për problematikën që kemi hasur deri tani në ecurinë e procesit. Po ashtu, ka pasur një raportim dhe për ecurinë e deritanishme të një prej veprimeve më të rëndësishme politike tonat qoftë si PS, qoftë si grup parlamentar, qoftë si qeveri.<br /><br />Për më shumë lexoni në: http://www.oranews.tv/vendi/ps-zevendeson-tahirin-me-elisa-spiropalin-dhe-blerina-gjylametin/
