Kryesia e Partisë Socialiste ka vendosur në mbledhjen e sotme që të zëvendësojë Saimir Tahirin pas pezullimit nga të gjitha postet në parti.<br />Blerina Gjylameni do të drejtojë degën e Partisë Socialiste në Tiranë në vendin e Saimir Tahirit, ndërsa në postin e koordinatorit të bashkëqeverisjes me njerëzit do të jetë Elisa Spiropali. Lajmi e ka konfirmuar për mediat në përfundim të mbledhjes së kryesisë, kryetari i grupit të PS, Taulant Balla. <br /><br />"Sot, mbledhja e Kryesisë së Partisë Socialiste kishte një çështje që lidhet me raportimin dhe analizën e ecurisë së deritanishme të procesit të zgjedhjeve në Partinë Socialiste. Siç e dini, prej datës 15 shtator ne kemi filluar një proces zgjedhjesh në nivelin e parë dhe të dytë të organizimit në Partinë Socialiste: atë të Kryetarëve të Organizatave. Dhe më pas do të pasojë me zgjedhjen e Kryetarëve të Këshillave Socialistë në çdo njësi administrative, në 384 njësitë administrative të Shqipërisë. <br /><br />Si Sekretar i Përgjithshëm shpreh kënaqësinë për ecurinë e deritanishme. Nesër, ne do të kemi edhe kryetarët në nivel bashkie të Partisë Socialiste për një raportim dhe identifikim më të detajuar të problematikës që kemi hasur, përmes ecurisë së deritanishme të procesit. <br /><br />Po ashtu ka pasur një raportim edhe për ecurinë e deritanishme të një prej veprimeve më të rëndësishme politike tonat qoftë si Parti Socialiste, qoftë si grup parlamentar, por qoftë edhe si qeveri: atë të Bashkëqeverisjes me Njerëzit. <br /><br />E dua t?ju them që Kryesia e Partisë Socialiste ka mandatuar Elisa Spiropalin që të jetë Koordinatorja Kombëtare e Bashkëqeverisjes me Njerëzit, për të vijuar punën intensive që sapo e kemi nisur: të komunikimit në çdo cep të Shqipërisë, me këdo që është i gatshëm të bëhet pjesë e kësaj aleance të madhe të Bashkëqeverisjes për Shqipërinë që duam.
