GJIROKASTËR-Prej fillimit të kësaj jave 150 nxënës nga zona e Lunxherisë në Gjirokastër nuk po zhvillojnë mësim. Shkak për këtë është bërë mungesa e transportit, ku më herët ky problem ka qenë i zgjidhur, por pas kalimit të kompetencave nga Bashkia e Gjirokastrës tek Ministria e Arsimit ka çuar në bllokimin e trasportit të fëmijëve për në shkollë.<br /> <br /><br />Janë rreth 150 nxënës të fshatrave të zonës së Lunxhërisë në rrethin e Gjirokastrës, të cilëve u privohet mësimi si pasojë e mungesës së transportit. Situata është bërë alarmante nga vetë prindërit por edhe prej mësuesve të shkollës 9-vjecare ?Petro Poga? e cila gjendet në zonën e Lunxhërisë. Sot është dita e tretë që rreth 80% e nxënësve nuk e frekuentojnë më këtë shkollë. <br /><br />Më parë transporti sigurohej nga Bashkia e Gjirokastrës por me ndryshimin e kompetencave, i ka kaluar Ministrisë së Arsimit. Kjo procedurë burokratike ka acaruar mjaft prindërit të cilët i kanë rënë shkurt, duke mos i cuar nxënësit në shkollë pasi shoferi i furgonit kërkon lekët në dorë për shërbimin e kryer.<br /><br />Ka edhe nga ata nxënës që përshkojnë rrugën me këmbë, por edhe pak që paguajnë shpenzimet nga xhepi i tyre, por procedurat burokratike që kërkon Ministria e Arsimit, janë të pakuptimta. Pasojat janë klasat bosh, mësues pa nxënës dhe një shkollë me vetëm 20 fëmijë.<br /><br />Deri tani askush nuk di sesi do të zgjidhet ky problem, por prindërit nga ana e tyre, janë të vendosur që ta zgjidhin sa më parë të dërgimit të fëmijëve të tyre në shkollë.
