Kryeministri Edi Rama konfirmoi në një konferencë për shtyp lirimin nga detyra të të gjithë prefektëve dhe emërimin e 12 prefektëve të rinj.<br /><br />?Kemi ndërtuar një proces për rreth 40 ditë, dhe në mënyrë aktive, por do të thoja edhe skrupuloze, kemi vlerësuar një numër kandidaturash nga radhët e ushtarakëve të lartë, që nuk janë më pjesë aktive e Forcave të Armatosura, por që janë bartës të një eksperience të çmuar që ky vend nuk ka luksin të mos e përdorë në funksion të të ardhmes së tij.?<br /><br />Kryeministri tha se i ka interesuar në radhë të parë profili dhe pastaj ka kaluar në një filtër kandidaturat potenciale, duke vlerësuar 12 prefektët e rinj për shërbimin pa kushte, formimin profesional dhe lidershipin e tyre, si dhe për aftësitë menaxhuese dhe ekzekutive.<br /><br />Rama tha se roli i prefektit do të jetë tepër i rëndësishëm në luftën kundër kanabisit dhe sekuestrimit të pasurive të organizatave kriminale.<br /><br />Me shumë mirënjohje për të gjithë gatishmërinë që prefektët e rinj e pritën ftesën për të marrë një detyrë jo të lehtë, Rama tha se nga nesër, prefektët e rinj do të jenë:<br /><br />Prefekt i Kukësit: Zenel Kuçana<br /><br />Prefekt i Dibrës: Nexhbedin Shehu<br /><br />Prefekt i Durrësit: Roland Nasto<br /><br />Prefekt i Shkodrës: Çesk Millja<br /><br />Prefekt i Lezhës: Gjergj Prendi<br /><br />Prefekt i Elbasanit: Maksim Malaj<br /><br />Prefekt i Fierit: Baki Bala<br /><br />Prefekt i Beratit: Harilla Dafa<br /><br />Prefekt i Vlorës: Flamur Mamaj<br /><br />Prefekt i Korçës: Dhori Spilollari<br /><br />Prefekt i Gjirokastrës: Astrit Aliaj<br /><br />Prefekt i Tiranës: Suzana Jahollari<br /><br />I pyetur për argumentit e shkarkimin në bllok të 12 Prefektëve në të gjithë qarqet e vendit, Rama u përgjigj: ?argumenti është çdonjëri nga prefektët që janë këtu në bllok.?<br /><br />/tvklan.al
