Subscribe në Ora News këtu http://bit.ly/1s5j7UT<br /><br />Në kulmin debatit për buxhetin e vitit të ardhshëm, Banka e Shqipërisë argumenton se rritja ekonomike nën potencial është një pengesë për rritjen pagave dhe pensioneve. Në konferencën mujore guvernatori i Bankës së Shqipërisë Gent Sejko tha se pritshmëritë për të ardhmen janë më pozitive ndërsa i kërkoi bankave të nivelit të dytë të rrisin kreditimin për ekonominë.<br />Rritja ekonomike e dobët është një faktor për frenimin e rritjes së pagave dhe pensioneve.<br />Guvernatori i Bankës së Shqipërisë, Gent Sejko, tha se pavarësisht parashikimeve optimiste aktualisht rritja nën potencial është një pengesë, Sejko tha se inflacioni ka rënë në krahasim me dy tremujorët e fundit si pasojë e ndryshimit të çmimit të ushqimeve por edhe e luhatjeve të kursit.<br />Sejko: Inflacioni regjistroi një normë mesatare vjetore prej 1.7% në tremujorin e tretë të vitit, duke shënuar rënie nga vlerat e dy tremujorëve paraardhës. Ky ngadalësim ka pasqyruar kryesisht rënien e inflacionit të ushqimeve, si pasojë e rritjes së ofertës vendase, e mbiçmimit të kursit të këmbimit dhe e ngadalësimit të inflacionit të këtyre produkteve në tregjet e huaja. Përmirësimi i aktivitetit ekonomik në vend e ka sjellë ekonominë shqiptare më pranë ekuilibrit, e ilustruar kjo nga rënia e normës së papunësisë dhe nga tendenca rritëse e shkallës së shfrytëzimit të kapaciteteve nga biznesi. Megjithatë, ekonomia shqiptare vazhdon të operojë ende poshtë potencialit, çka vijon të frenojë presionet për rritje të pagave dhe të kostove të prodhimit.<br />Ulja e nivelit të kredive të këqia sipas Sejkos është një tregurs se bankat e nivelit të dytë duhet të rrisin kreditimin e ekonomisë.<br /><br />Për më shumë lexoni në: http://www.oranews.tv/ekonomi/ekonomia-nen-potencial-rritja-ekonomike-frenon-rritjen-e-pagave/
