Një 48-vjeçar nga Korça është arrestuar për prodhim të paligjshëm të artikujve, pasi ambalazhonte me etiketa në gjuhën greke vaj ushqimor ?Alkis?.<br /><br />Kosta Fshati, në punishten në lagjen 10 të qytetit, ambalazhonte vaj ushqimor që dyshohet se kishte futur në mënyrë kontrabandë në territorin shqiptar.<br /><br />Gjatë kontrollit në punishten në pronësi të tij, policia i gjeti:<br /><br />-5(pesë) depozita metalike dhe plastike të përmasave të ndryshme,<br /><br />-1300 (njëmijë e treqind) litra vaj ushqimor me mbishkrime greke i dyshuar si kontrabandë,<br /><br />-1500 (njëmijë e pesëqind) etiketa në gjuhën greke me mbishkrime të ndryshme,<br /><br />-494 (katërqind e nëntëdhjetë e katër) kuti metalike dhe plastike të kapaciteteve 0.25, 0.5, tre, pesë dhe dhjetë litroshe me mbishkrim në gjuhën greke ?Extra virgin Olive Oil? dhe ?Olive Oil?,<br /><br />-1180 (njëmijë e njëqind e tetëdhjetë) shishe e bidona plastikë dhe metalikë, 0.5, tre, pesë dhe dhjetë litroshe me mbishkrime greke, si dhe<br /><br />-17 (shtatëmbëdhjetë) fuçi plastike bosh 60 litroshe.<br /><br />Nga hetimet dhe verifikimet e kryera, dyshohet se këtë punishte Kosta Fshati e përdorte për prodhimin dhe ambalazhimin e vajit ushqimor në mënyrë të paligjshme, duke përdorur etiketa në gjuhën greke me mbishkrime të ndryshme me qëllim shitjen e tij në tregun vendas.<br /><br />Kosta Fshati ka qenë i dënuar në vitin 2010 për të njëjtat vepra penale, për prodhim të kundërligjshëm të artikujve ushqimorë dhe falsifikim të stampave.<br /><br />Materialet i kaluan Prokurorisë të Rrethit Gjyqësor Korçë për veprat penale : ?Prodhimi i kundërligjshëm i artikujve dhe mallrave industrialë dhe ushqimorë?, ?Ruajtja ose depozitimi i mallrave kontrabandë?, ?Shkelja e të drejtave të pronësisë industrial?, ?Fshehja e të ardhurave?.
