Edhe pse mosbesues ndaj teknologjisë që bazohet tek interneti, Ambasadori i OSBE ? se Bernd Borchardt ka hapur dritën jeshile për aplikimin eksperimental të mundësisë së votimit elektronik në Shqipëri. Ai ftoi liderët e politikes Rama-Basha me 13 dhjetor në një konferencë të nivelit të lartë për këtë çështje.<br /><br />Bernd Borchardt: ?Autoritetet shqiptare duhet të shqyrtojnë me kujdes të gjitha mundësitë e politikave për identifikimin elektronike të zgjedhësve, votimin dhe numërimin elektronik. Praktikat e mira ndërkombëtare tregojnë se teknologjitë që nuk bazohen në internet janë më të parapëlqyera dhe më të realizueshme. Hakerat e kanë më të vështirë të sulmojnë këto lloj teknologjish. Futja e teknologjive të reja elektronike të votimit kërkon kohë. Nevojitet patjetër organizimi i një projekti pilot mbase në një numër të caktuar bashkish në zgjedhjet e ardhshme vendore.?<br /><br />Në kërkesat e reja të opozitës për komisionin e ri zgjedhor votimi dhe numërimi elektronik mbetet kushti kryesor për marrëveshje.<br /><br />Kryeministri Edi Rama ka toleruar numërimin elektronik, por për votimin elektronik ja ka lënë vendimin OSBE-së.<br /><br />Katër vjet më parë, nga pozicioni i kreut të LSI, Ilir Meta ka qenë pro votimit elektronik.<br /><br />Më 2013 ishte PS, e cila e mbështeti idenë e aplikimit të teknologjisë elektronike në Fier, madje mori angazhimin publik se me ardhjen në pushtet, sistemi do të ndryshohej për të shkuar drejt teknologjisë.<br /><br />Më 2015 është PD në opozitë që gjithashtu mbështet dhe kërkon me forcë aplikimin e teknologjisë në votim dhe numërim. Dështimi i votimit elektronik në Fier dhe Tiranë u shkaktoi taksapaguesve, sipas KLSH-së, një dëm prej rreth 2.5 milionë euro.<br /><br />Por dëmi real mund të jetë edhe më i madh, pasi kartat e prodhuara nga Aleat mund ta bëjnë të pamundur këtë proces edhe në rang kombëtar edhe pse shqiptarët kanë paguar për koncesionin e prodhimit të pasaportave mbi 150 milionë euro.<br /><br />Klan Plus
