Rreth 1.3 ton kanabis u sekuestrua nga policia e Tiranës në dy operacione të zhvilluara në 24 orët e fundit. 6 persona u vunë në pranga ndërsa 3 të tjerë u shpallën në kërkim.<br /><br />Gjithçka nisi rreth orës 21:30 të së premtes pas një informacioni se një grup shpërndante lëndë narkotike në sasi të mëdha në zonën e Kamzës, Institutit të Kamzës, Paskuqanit, Babrrusë, etj.<br /><br />Një patrrullë ka tentuar të ndalojë një automjet ku udhëtonin Fatjon Mesi dhe një person me iniciale A.C, por ai ka shtuar shpejtësinë në tentativë për të shpëtuar.<br /><br />Në një moment pasagjeri ka zbritur nga makina dhe ka mundur të humbë gjurmët ndërsa makina ka vijuar derisa ka dalë nga rruga dhe është përplasur me një shtyllë.<br /><br />Efektivët i vunë prangat drejtuesit Fatjon Mesi, 31 ? vjeç nga Nikla e Fushë ? Krujës. Në bagazh dhe në pjesën e pasme të makinës u gjet një sasi e madhe kanabisi.<br /><br />Ndërkohë janë vënë në pranga edhe 3 persona të tjerë që mbikqyrnin në distancë drogën. Në kryqëzimin e Paskuqanit u arrestuan Ilir Ferati, Izmir Muja dhe Sajmir Grosha.<br /><br />Policia ka zbuluar se droga ishte marrë në Rinas, në banesën e Hasan Sulën, 50 vjeç, i cili u vu në pranga bashkë me bashkëshorten Merita Sula, 45 ?vjece ndërsa në kërkim u shpallën dy djemtë e tyre 25 dhe 26 vjeç.<br /><br />Në katin e dytë të shtëpisë së familjes Sula u gjetën 170 thasë me kanabis dhe një pushkë model 56 me 25 fishekë, si dhe një peshore elektronike.<br /><br />Sasia e lëndës së dyshuar si narkotike të përshkruara më lart, pas peshimit rezultoi në peshën totale 1 ton e 239,5 kg.<br /><br />Për të gjithë grupin është përpiluar një dosje e plotë, e cila i ka kaluar për hetime të mëtejshme prokurorisë.<br /><br />Tv Klan
