Situatë shumë e rënduar në pikën e kalimit kufitar të Kapshticës për shkak të bllokimit të sistemit kompjuterik në palën greke.<br />Ky defekt ka sjellë radhë të gjata pritje të cilat vijojnë që prej mesnatës së djeshme.Qytetarët tregojnë se kanë orë të tëra që presin dhe vetëm ditën e sotme kanë arritur të kuptojnë se çfarë po ndodh në anën tjetër të kufirit.<br /><br />Të vetmit që kanë arritur të kalojnë në vendin fqinj kanë qenë ata të pajisur me dokumente greke, apo të zonës Shengen, ndërkohë që kalimi i shtetasve të tjerë shqiptarë të pajisur me pasaportë biometrike ka qenë i pamundur. Pritja për orë të tëra ka sjellë kaos e nervozizëm tek shtetasit shqiptarë.<br /><br />Situata është tejet e rënduar në të dy anët e kufirit dhe ende nuk dihet se kur mund të normalizohet.
