Të shtëna me armë zjarri janë regjistruar pasditen e sotme, rreth orës 19:20, në lagjen Guerrile të Shkodrës, ku për pasojë ka mbetur i plagosur një 20-vjeçar i identifikuar si Hermes Beqiri. Mësohet se Beqiri ka qenë duke pirë kafe në një lokal në lagje kur është qëlluar nga persona paidentifikuar.<br /><br />Personat në fjalë e kanë qëlluar të riun nga rruga përballë lokalit, e më pas janë larguar me shpejtësi në drejtim të paditur. 20-vjeçari është dërguar menjëherë në Spitalin Rajonal të Shkodrës, ku ndodhet në gjendje kritike për jetën. <br /><br />Nuk dihet ende më shumë detaje rreth ngjarjes, ndërsa policia ka shoqëruar në komisariat disa persona që ndodheshin në lokalin ku ndodhi ngjarja, dhe po punon për zbardhjen e plotë të saj.<br /><br />Njoftimi i plotë i policisë:<br />Shkodër<br /><br />Informacion Paraprak<br /><br />Më datë 04.11.2017, rreth orës 19.20, ka ardhur një telefonatë në sallën operative se në lagjen Guerrile Shkodër, vendi "Ish Zoteknika", ka të shtëna me armë zjarri<br /><br />Menjëherë në vendngjarje kanë shkuar shërbimet e policisë ku nga verifikimet e para ka rezultura se në një lokal, është plagosur me armë zjarri shtetasi H. B. 20 vjeç, banues në Shkodër, nga persona ende të paidentifikuar.<br /><br />Shtetasi i lartëpërmendur ndodhet në Spitalin Rajonal Shkodër, në gjendje të rëndë për jetën.<br /><br />Janë ngritur pika kontrolli dhe po behët krehja e zonës dhe po punohet për identifikimin e kapjen e autorit/ve.<br /><br />Janë shoqëruar disa persona në cilësinë e deshmitarit në D. V. P. Shkodër<br /><br />Po kryhen veprimet me grup hetimor për sqarimin e rrethanave të ngjarjes.
