Subscribe në Ora News këtu http://bit.ly/1s5j7UT<br /><br />Pas 2 ditëve bllokim, lëvizja e lirë mes Shqipërisë e Greqisë u rikthye në normalitet! Pikat Kufitare të Kapshticës e Kakavijës nisën punë mbrëmjen e së dielës pasi pala greke rregulloi defektin në sistemin TIMS!<br /><br />Pas më shumë se 48 orëve bllokim, në doganën e Kapshticës në Korcë puna nisi në të dy anët e kufirit prej mbrëmjes së të dielës<br /><br />Për disa orë gjatë mbrëmjes u punua me 10 sportele për të përballuar fluksin<br /><br />dhe për mundësuar kalimin sa më të shpejt të qytetarëve që kishin mbetur të bllokuar.<br /><br />Ndërkohë në orët e para të mëngjesit pala shqiptare punoi me 5 sportele, 3 në dalje dhe 2 në hyrje. Ndërkohë pala greke punon me 4 sportele.<br /><br />Ritmeve normale i është rikthyer edhe Dogana e Kakavijës në Gjirokastër!<br /><br />Lëvizja në këtë pikë doganore u zhbllokua që të shtunën.<br /><br />Pas një telefonate mes Ministrit të Jashtëm Ditmir Bushati me homologun Grek, Nikos Kotzias u përdor skanimi i pasaportave si zgjidhje teknike!<br /><br />Zyrtarisht policia e Kufirit tha se situata u krijua për shkak të një defekti në sistem TIMS të Greqisë. Gjatë 48 orëve u lejua lëvizja e shqiptarëve me pasaporta greke dhe të vendeve të tjera të BE.<br /><br />Mungesa e një njoftimi paraprak i gjeti të papërgatitur qytetarët që ishin nisur drejt greqisë përmes dy pikave doganore, duke shkaktuar radhë të gjatë e orë të tëra pritjeje në kufi.<br /><br />Mes indinjatës për situatën qytetarët shqiptarë ngritën edhe tezën se bllokimi i kufirit ishte një hakmarrje e Athinës për Cështjen Himara, por pretendimet u rrëzuan pasi probleme të tilla u raportuan edhe në pikat doganore mes Greqisë, Maqedonisë e Turqisë.<br /><br />Për më shumë lexoni në: <br />http://www.oranews.tv/article/nis-puna-ne-dogana-kapshtica-dhe-kakavija-i-rikthehen-normalitetit
