Policia ka arrestuar 6 persona dhe ka shpallur 1 në kërkim për prodhim dhe shitje të lëndëve narkotike, në Vlorë dhe në Sarandë.<br /><br />Pas kontrollit të ushtruar në banesë, në prangat e policisë ka rënë Erjon Danaj, 33 vjeç, nga Vlora. Atij iu sekuestruan 9.7 kilogramë kanabis të ndara në dy thasë.<br /><br />Ndërsa në Sarandë policia ka arrestuar Mustafa Idrisllari, 56 vjeç dhe Feti Idrisllari pasi në banesën e tyre janë gjetur 22 kg kanabis. Në prangat e policisë kanë rënë edhe Asllan Pashaj, 57 vjeç dhe Fiqirije Pashaj 54 vjeç pasi iu bllokuan 3.7 kilogramë.<br /><br />Gjithashtu është arrestuar edhe Kosta Pashaj, 26 vjeç me 3.4 kilogramë kanabis. Ai dyshohet gjithashtu se i ka marrë me dhunë 30.000 lekë F.M.<br /><br />Policia e Sarandës ka shpallur në kërkim E.I, 26 vjeç, pasi në banesën ku jeton me babain, Mustafa Idrisllari, i janë sekuestruar 22 kilogramë kanabis. Ai po ashtu në bashkëpunim me Kosta Pashajn i kanë marrë me dhunë 30.000 lekë shtetasit F.M.<br /><br />E.I u shoqërua prej shërbimeve të policisë, por ka mundur të largohet i prangosur nga mjeti i policisë, me ndihmën e disa banorëve.<br /><br />Ndërkohë, Drejtoria e Standardeve Profesionale në Policinë e Shtetit dhe Shërbimi për Çështjet e Brendshme dhe Ankesat kanë nisur verifikimet për punonjësit e policisë, që me veprimet e tyre kanë sjellë largimin e 26-vjeçarit./tvklan.al
