Sezoni gripal sapo ka nisur në vendin tonë. Specialistët e Institutit të Shëndetit publik ende nuk kanë izoluar virusin që është në qarkullim, por në poliklinika janë paraqitur të sëmurët e parë me grip.<br /><br />"Rastet e gripit kanë ardhur, nuk mund të them që kanë qenë në masë".<br /><br />"Ka qenë gjithmonë me lekë dhe nuk e kam blerë, këtë herë ishte falas, e mora vesh dhe erdha e bëra", thotë një qytetare.<br /><br />Për të parandaluar përhapjen e gripit, i cili një vit me parë shënoi 16 viktima, Ministria e Shëndetësisë që prej fillimit të Tetorit ka vënë në dispozicion të popullatës në risk 100 mijë vaksina, të cilat po injektohen falas në poliklinika.<br /><br />"Përfshihen të gjithë personat me sëmundje kronike, gratë shtatzëna, është futur edhe një kategori që janë personat obezë, si dhe gjithë të moshuarit. Tani është koha që fluksi është më i shpeshtë, mund të bëhen edhe 10 - 15 në ditë".<br /><br />Vaksina mbron nga viruset gripale AH1N1 dhe AH2N3, të cilat pritet të qarkullojnë edhe këtë vit në vendin tonë.<br /><br />Tv Klan
