Subscribe në Ora News këtu http://bit.ly/1s5j7UT<br /><br />Gjykata e shkallës së parë në Shkoder la në burg dy 17 vjeçarët e akuzuar për plagosjen me pasojë vdekjen e 22 vjeçarit Hermes Beqiri. <br /><br />Hoxha akuzohet se qëlloi me breshëri automatiku ndaj Beqirit mbrëmjen e së shtunës në një lokal në lagjen ?Guerrile?, pas një konflikti për një kapele një tavolinë që nisi si lojë.<br /><br />Seanca gjyqësore e kryesuar nga Besmir Stroga dhe me prokurore Shqiponja Mille, u zhvillua me dyer të mbyllura, ku mësohet se si Elvis Hoxha dhe bashkëpunëtori i tij D.H nuk kanë pranuar të flasin përpara trupës gjykuese. <br /><br />Organi i akuzës ka paraqitur provat e grumbulluara në vendngjarje dhe bazuar mbi faktet e gjetura, kërkoi për dy të miturit masën ?Arrest me burg?. Ndërkohë avokati mbrojtës Anton Kosteri kërkoi një masë më të butë për shkak të kompleksitetit të çeshtjes, por kërkesa e tij u rrëzua nga trupa gjykuese, e cila vendosi ti mbajë në qeli dy 17 vjeçarët.<br /><br />Anton Kosteri: "Shtetasit në hetim nuk kanë dhënë asnjë deklarim deri tani, nuk ka dhënë asnjë detaj në lidhje me pozicionin e tyre për këtë ngjarje. Ata nuk kanë dhënë deklarim as përpara oficierit të policisë gjyqësore, si edhe nuk kanë dhënë as sot përpara gjykatës."<br /><br /><br />Më pas po me dyer të mbyllura u zhvillua edhe gjyqi ndaj Bekim Turishtës, të akuzuar për moskallëzim krimi, i cili u la në ?Arrest shtepie?. <br /><br />Ai mësohet se ka deklaruar përmes avokatit të tij se ka qënë i tronditur ditën e ngjarjes, pasi përpara syve i është plagosur shoku i ngushte dhe mund të kishte qënë vetë viktimë e ngjarjes. <br /><br />22 vjeçari Hermes Beqiri u qëllua me automatik në një lokal, pas një konflikti të çastit me Elvis Hoxhen dhe ndonëse ju dha ndihma e specializuar në spitalin e Shkodres, e më pas në Tiranë, ai nuk arriti ti mbijetojë plageve të marra. <br /><br /><br />Për më shumë lexoni në: <br />http://www.oranews.tv/article/shkoder-keta-jane-dy-adoleshentet-e-arrestuar-vrasjen-e-hermesit
