stop.tvklan.al Nje emision satiro-investigativ nga Saimir Kodra & Gentian Zenelaj. E hene - E premte ora 20:05 @ Tvklan & KlanHD; <br /><br />Kronikë më e plotë: http://tvklan.al/stop-emisioni-46-sezoni-3/ <br /><br />Pak ditë më parë Ministria e Mjedisit dhe Bashkia e Tiranës nisën aksionin në terren për dokumentacionin e bizneseve, që nuk zbatojnë ligjin. Por Jani Lena, një biznesmen i skrapit në Vaqarr, tregon rastin e tij me gjobën absurde dhe ping-pongun në zyrat e shtetit shqiptar. Në të njejtën ditë të nismës qeveritare, gjobitet nga inspektorët e mjedisit me 5 mijë lekë të reja gjobë, me justifikimin se nuk kishte leje mjedisore. Por Lena tregon lejen mjedisore që e ka ende aktive.<br /><br />Në një video-regjistrim me specialisten dhe juristen e Agjensisë Kombëtare të Mjedisit, këto të fundit i thonë se drejtori ka dhënë dorëheqjen për këtë shkak, sepse i bënë presion të mbyllte bizneset. Zonjat e AKM-së i thonë se masat janë revokuar dhe e këshillojnë ta zgjidhë çështjen me gjyq, pasi e ka të fituar. Në shkresat që merr më vonë, Jani Lena kupton se ka një shkresë që i është revokuar leja mjedisore dhe dy ditë më pas një tjetër që anullohet revokimi i lejes...<br /><br />Si të mos mjaftonte kjo, bashkia i çon një letër, ku thuhet se ka patur qindra telefonata nga banorët që ankoheshin për këtë biznes, në një vend që nuk ka fare banorë...?!<br /><br />Të gjitha pikat e grumbullimit të mbetjeve të automjeteve dhe metaleve të tjera, që ushtrojnë aktivitetin e tyre në territorin e Bashkisë së Tiranës pa plotësuar kushtet e kriteret mjedisore, do të mbyllen. Ministria e Mjedisit në bashkëpunim me Bashkinë e Tiranës kanë nisur aksionin në terren për dokumentacionin e bizneseve që shkelin ligjin.Ministri i Turizmit dhe Mjedisit, Blendi Klosi u shpreh: "Nuk mund të lejohet që këto pika grumbullimi të jenë pa kushtet minimale dhe pa standardet optimale të realizimit të këtij aktiviteti."<br /><br />Gjithashtu Arbjan Mazniku, nënkryetar i Bashkisë së Tiranës, tha se pikat e grumbullimit dhe riciklimit të mbetjeve duhet të jenë të organizuara dhe të funksionojnë në bazë të të gjitha procedurave ligjore.<br /><br />Më datë 29.10.2017, ministri Klosi dhe nënkryetari Mazniku kërkuan bashkëpunimin e qytetarëve, të cilët mund të denoncojnë online rastet ku konstatohet një shkelje mjedisore.<br /><br />"Sot gjetëm konsensus edhe me biznesin, të cilit iu la një periudhë kohe për të rehabilituar situatën dhe për të mos lejuar vazhdimin e kësaj situate në mënyrë krejtësisht të jashtëligjshme, jashtë rregullave normale të funksionimit të biznesit, por edhe të mbrojtjes së mjedisit?, shtoi Klosi.<br /><br />Por kjo nuk ka ndodhur me Jani Lena, i cili ka një subjekt për skrapin në Vaqarr.<br /><br />"Kam një biznes që prej vitit 2012, i licensuar dhe me të gjitha kriteret që kërkojnë, si leja mjedisore dhe taksat e shtetit. Më datë 29 Tetor, në orën 1 të drekës, vjen furgoni i policisë me 12 polica dhe 4 inspektorë të mjedisit. Kërkuan lejen mjedisore, të cilën unë e disponoja. Fation Pashollari më tha që leja mjedisore ka revokuar më datë 27. Njëkohësis...
