Nazer Seiti, një nga personat kyç të grupi ?Habilaj? do të qëndrojë në burg deri në përfundim të hetimeve, të nisura nga Prokuroria e Krimeve të Rënda për këtë çështje. Gjykata ka miratuar kërkesën e organit të akuzës, e cila ka paraqitur si prova të reja përgjimet e bëra nga Prokuroria e Katanias, për llogari të grupit të dosjes ?Habilaj?.<br /><br />Në këto përgjime, 40 - vjeçari nga Vlora del se ka lidhje të ngushta me dy vëllezërit Moisi dhe Florian Habilaj, me të cilët është takuar shpesh në Itali.<br /><br />Përgjimet ambientale, autoritetet italiane i kanë kryer në një makinë në pronësi të Moisi Habilajt. Ata diskutojnë mbi shumat e parave që kanë fituar nga trafiku i kanabisit dhe mbërritja e ngarkesave të reja në brigjet italiane.<br /><br />Në një rast, Nazer Seiti është përgjuar me Florian Habilajn për një sasi droge që do të mbërrinte në Itali. Një ditë më pas, policia e vendit fqinj, në atë vend që po diskutonin ata, kapi 800 kilogramë kanabis.<br /><br />Një tjetër detaj që u zbulua nga prokuroria në sallën e gjyqit është që emri i Moisi Habilajt për herë të parë është zbuluar nga Prokuroria Italiane në vitin 2012, gjatë operacionit antidrogë ?Odesa?.<br /><br />Guardia Di Finanza në këtë aksion bllokoi qindra kilogramë drogë dhe arrestoi një skafist. Në përgjimet, Moisi Habilaj del si drejtuesi i grupi dhe furnizues me shumicë i grupeve kriminale me kanabis në Italinë e Jugut.<br /><br />Tv Klan
