Më i madhi Tafilëve, Genci i cili fitoi lirinë me kusht pas 17 vjetësh në qeli, nuk u kthye në shtëpinë e tij në lagjen ?Ndocaj? të Shkodrës.<br /><br />Porta aty është e mbyllur prej vitesh.<br /><br />Asnjë nga familja nuk jeton në këtë lagje.<br /><br />Fqinjët nuk flasin.<br /><br />Ishte viti 2000 kur mes Tafilajve dhe ish-shefit të krimeve në Shkoder, Prelë Pjetrushi nisi një histori hakmarrjeje.<br /><br />Më 2 gusht të atij viti, Policia e Shkodrës organizoi një operacion për arrestimin e Bahri Tafilit, i cili akuzohej për vrasjen e Skënder Gecit. Në operacion u vra drejtori i Policisë Arben Zylyftari.<br /><br />Tafilajt pretendojnë se Zylyftari u vra nga Prelë Pjetrushi.<br /><br />Më 22 Janar 2001 ai u qëllua me breshëri kur po futej në shtëpi, por fatmirësisht shpëtoi. Policia arrestoi Admir Tafilin.<br /><br />Më 18 Mars 2011 vriten në pritë dy vëllezërit e Prel Pjetrushit, Nik dhe Gjovalin Pjetrushi.<br /><br />Admir Tafili u vetëdorëzua në Policinë e Tiranës disa orë pas vrasjeve.<br /><br />Familja Tafili ka vite që është larguar nga Shqipëria dhe përveç Genc Tafilit i liruar të hënën nga Gjykata e Krujës dhe Admir Tafilit që vuan denimin me burg të përjetshëm, tjetërkush nuk ndodhet për shkak të hakmarrjes.
