Në të njëjtën ditë që gjyqtarja e Krujës Enkelejda Hoxha vendosi lirimin e Genci Tafilit, i dënuar për vrasjen e Arben Zylyftarit, ajo firmosi daljen nga burgu te Ilir Pajës, i akuzuar për plagosjen e rëndë të një efektivi të njësisë operacionale të Policisë me 6 mars të vitit 2008.<br /><br />Paja po arrestohej për llogari të autoriteteve italiane që e kërkonin pas arratisjes ndërsa ishte i dënuar për dy vrasje.<br /><br />Në momentin e ndërhyrjes së policisë shqiptare, në tentativë për t?u larguar, i kërkuari përplasi dhe plagosi rëndë efektivin e Policisë Blendi Haxhimali. Ky po e ndiqte me motor, në pritje të ndërhyrjes së kolegëve të tij.<br /><br />Vetëm pak para se të arrestohej në Tiranë pranë rrugës së Dibrës, Paja kishte mundur të arratisej nga një ambulancë e policisë italiane të burgjeve. Po ashtu më parë njeriu i cilësuar si ?Ufo?, nga autoritet italiane kishte mundur të arratisej edhe nga Burgu i Peruxhias, duke përdorur si litarë disa çarçafë të lidhur sëbashku.<br /><br />Në këtë burg ai vuante dënimin për vrasjen e dy personave, një prej të cilëve nga Ekuadori, në vitin 2008.<br /><br />Për plagosjen e policit Haxhimali, ishte dënuar me 16 vite e 8 muaj burg. Po ashtu ai cilësohej si person me rrezikshmëri të lartë shoqërore pasi akuzohet se ka vrarë një person në Gjermani, ku gjithashtu është arratisur. Në vitin 2008, ai u shndërrua në një nga personat më të kërkuar të autoriteteve policore italiane, për shkak të krimeve të egra që ai kishte kryer. Në lidhje me lirimin e Genci Tafilit, Prokuroria e Krujës ka ankimuar vendimin e gjyqtares Enkelejda Hoxha dhe po ashtu ndaj saj është kërkuar edhe procedim disiplinor nga KLD- ja.<br /><br />/Tv Klan
