Subscribe në Ora News këtu http://bit.ly/1s5j7UT<br /><br />Shtatë persona janë arrestuar nga policia e Korçës, mes tyre 3 doganierë dhe 1 punonjës policie pasi akuzohen për futje të mallrave kontrabandë.<br /><br />Në pranga u vunë<br /><br />-Flobenc Gaxho, 45 vjeç, banues në Tiranë, me detyrë përgjegjës turni në doganën Kapshticë;<br /><br />- Fredi Blushi, 56 vjeç, me detyrë doganier në Pikën e Kalimit Kufitar Kapshticë;<br /><br />- Gentian Keco, 33 vjeç, banues në fshatin Baban, Devoll me detyrë doganier<br /><br />- Sali Dervishi, 53 vjeç, banues në Zëmblak, Maliq, me detyrë punonjës policie, kontrollor në Kapshticë;<br /><br />- Klodian Korçari, 42 vjeç, banues në Bulgarec, Korçë;<br /><br />- Xhuliano Skënderasi, 34 vjeç, banues në Vloçisht, Maliq;<br /><br />- Gazmir Shkëmbi, 34 vjeç, banues në Dvoran, Korçë;<br /><br />Ndërsa shtetasit G.A., 32 vjeç dhe S.Sh., 53 vjeç, u shpallën në kërkim.<br /><br />?Në hyrje të qytetit të Bilishtit, shtetasit e lartpërmendur janë kapur në flagrancë duke transportuar në bashkëpunim 22 ngarkesa me veshje të ndryshme të dyshuara kontrabandë, të cilat u sekuestruan në cilësinë e provës materiale, me mjetet tip ?Mitsubishi? me targë AA 478 HV; ?Volksëagen? me targë AA 857 FI dhe një mjet kamion me targë AA 233 PT. Ngarkesa me veshje u transportua nga Greqia në drejtim të Shqipërisë, përmes Pikës së Kalimit Kufitar të Kapshticës?, sqaron policia. <br /><br />Policia thotë se 5 shtetasit e sillnin sasinë e veshjeve deri në Pikën e Kalimit Kufitar të Kapshticës me një kamion, të cilin e parkonin në doganën greke dhe më pas brenda ditës kalonin 3-4 herë drejt tokës shqiptare mallrat, me mjete të tjera më të vogla transportuese. Mallrat janë futur kontrabandë nëpërmjet Degës Doganore Kapshticë pasi nuk kanë kryer praktikat doganore.<br /><br />Materialet në ngarkim të tyre i kaluan Prokurorisë të Rrethit Gjyqësor Korçë për veprat penale ?Shpërdorim detyre, kryer në bashkëpunim? dhe ?Kontrabanda me mallra të tjera, kryer në bashkëpunim? dhe po vijnë hetimet për zbulimin e persona të tjerë të implikuar në këtë veprimtari të paligjshme.<br /><br />Për më shumë lexoni në: <br />http://www.oranews.tv/article/bilisht-arrestohen-doganiere-dhe-police-sillnin-nga-greqia-veshje-kontrabande
