Subscribe në Ora News këtu http://bit.ly/1s5j7UT<br /><br />Presidenti Ilir Meta nuk pranon kërkesën e 7 deputetët e Partisë Demokratike për të deklasifikuar dhe publikuar diskutimet në mbledhjen e Këshillit të Sigurisë Kombëtare.<br /><br />Nuk e kam gjetur në përputhje me paketën ligjore "Për informacionin e klasifikuar sekret shtetëror" argumenton Meta në letrën kthim përgjigje.<br /><br />"Pavarësisht qëllimeve pozitive të një grupimi politik, shoqëror, apo social të caktuar nuk e gjej plotësisht në përputhje me interesat afatgjata të sigurisë kombëtare. Vlerësoj se deklasifikimi dhe publikimi i diskutimeve në mbledhjen e KSK-së, (që nuk ka ndodhur asnjëherë) do të përbënte një precedent me pasoja afatgjata për funksionimin e Këshillit të Sigurisë Kombëtare" shkruhet në përgjigjen e kërkesës së grupit të deputetëve të Komisionit të Sigurisë Kombëtare.<br /><br />Meta çmon se definicioni me dyer të mbyllura përveçse një detyrim ligjor, është qasje për të krijuar një atmosferë besimi ndërmjet anëtarëve të KSK -së. "Gjykoj se është në interesin dhe detyrimin e institucionit të Presidentit që tu ofrojë anëtarëve të KSK-së sa më shumë "garanci besimi" për ta "këshilluar dhe mbështetur atë, në ushtrimin e përgjegjësive kushtetuese dhe ligjore" shkruhet në letër.<br /><br />Por presidenti shprehet se është i gatshëm që këtë debat t'ia vërë në dispozicion prokurorisë nëse asaj i duhen për interesat e hetimit.<br /><br />"Nga ana tjetër, në rastet kur vlerësohet se ka prova që munden t'i shërbejnë hetimit për cdo gjë që ka të bëjë me shkeljen e ligjit dhe cenimin e sigurisë kombëtare, Institucioni i Prokurorit të Përgjithshëm, mundet të kërkojë dhe të përdorë për interesa të hetimit informacionin e mbledhjeve të KSK-së në mënyrën e përcaktuar nga ligji."<br /><br />Për më shumë lexoni në: http://www.oranews.tv/article/meta-nuk-pranon-deklasifikimin-e-mbledhjes-se-keshillit-te-sigurise-kombetare
