Gjyqtari Shkëlqim Miri në banesën e të cilit u gjetën 34 milionë lekë do të qëndrojë në burg deri në përfundim të hetimeve. Gjykata e Krimeve të Rënda ka pranuar kërkesën e prokurorisë për të caktuar si masë sigurie arrestim me burg për 46-vjeçarin duke e cilësuar të ligjshëm ndalimin.<br /><br />Seanca ka zgjatur 2 orë dhe është zhvilluar me dyer të mbyllura. Prokuroria ka paraqitur si prova përgjime dhe një video të një lokali në Fushë-Krujë. Në këto pamje kusheriri i gjyqtarit, Kujtim Miri merr një zarf ku dyshohet se janë 20 mijë Euro. Pas këtij momenti, të dënuarit Gentian Doda i dërgohet një mesazh në telefon ku i thuhet se çështja do të zgjidhet brenda disa javësh. Por mbrojtja e gjyqtarit dhe ai vetë ka nje tjetër version mbi origjinën e paravë.<br /><br />Sipas avokatit Ardian Visha, paratë janë krejtësisht të ligjshme dhe se Gjykata vendosi e ndikuar nga mediat dhe situata politike.<br /><br />Avokati ka zbuluar se gjyqtari vuan dhe nga probleme te rënda shendetësore dhe për këtë shkak kërkoi një masë më të lehtë.<br /><br />Të hënën para gjykatës pritet të dalë sekseri Kujtim Miri. Edhe për të prokuroria do të kerkojë masën e sigurisë arrest me burg. Në kërkim janë shpallur Alban Buci, i cili gjithashtu dyshohet si sekser dhe i liruari Gentian Doda të dy të akuzuar për korrupsion aktiv. Sipas Prokurorisë, gjykatësi Shkëlqim Miri ka marrë 20 mijë Euro për të lënë në fuqi vendimin e Gjykatës së Matit që në 20 shtator rikualifikoi veprën penale për Dodën nga vrasje në paramendim në plagosje të rëndë me dashje duke e dënuar me 8 vite burg nga 20 që ishte vendimi i parë.<br /><br />Tv Klan
