Prej 1 Janarit kryeqytetasit do të paguajnë më shumë për ujin e pijshëm që vjen nga rrjeti i ujësjellësit.<br /><br />Nga 45 lekë për metër kub, çmimi shkon në 65 lek për metër kub.<br /><br />Vendimi për ndryshimin e çmimit është marrë nga Enti Rregullator i Furnizimit me Ujë, pas kërkesës së paraqitur nga Bashkia e Tiranës.<br /><br />Tarifa të reja për ujin e pijshëm do të aplikohen për të gjitha kategoritë.<br /><br />Sipas vendimit të marrë nga Enti Rregullator institucionet publike do të paguajnë 140 lekë/m3, ndërsa për bizneset tarifa e re do të jetë, 155 lekë/m3. Furrat e bukës do ta paguajnë 95 lekë/m³, ndërsa ata që kanë pishina do të duhet të paguajnë, 170 lekë/m³.<br /><br />Gjithashtu fatura e ujit nga 1 Janari do të shoqërohet edhe me dyfishim të tarifës fikse, e cila nga 100 lek bëhet 200 leke për të gjitha kategoritë.<br /><br />Kërkesa fillestare për rritje te çmimit të ujit dhe përfarimin e tij me shumicën e qyteteve në vend, erdhi nga ndërmarrja e ujësjellës kanalizime, të cilët e argumentuan për shkak të nevojave financiare për investime në rrjet.<br /><br />Propozimi i paraqitur në Këshill Bashkiak, ngjalli debate të forta, dhe u miratua pa votat e opozitës në këshill në mbledhjen e 26 Korrikut.<br /><br />Tv Klan
