DURRES-Një vit pasi u dhunua dhe u largua nga Shqipëria biznesmeni Fadi Mitri, sot administratori i firmës së tij ka denoncuar se disa persona janë futur me dhunë në pronën për të cilën ka marrë lejen për të ndërtuar një resort në Gjirin e Lalzit.<br /><br />Pas kallëzimit, policia ka referuar materialet në prokurori duke nisur hetimet për të identifikuar dhe arrestuar personat që kanë hyrë me forcë tek prona duke e rrethuar.<br /><br />Biznesmeni amerikano-libanez, Fadi Mitri në kohën e Berishës kishte marrë leje për të ndërtuar në gjirin e Lalzit një resort turistik me vlerë 180 milion euro, por banorët e zonës pretendojnë pronësinë mbi tokën duke u përfshirë në disa konflikte. <br /><br />Një vit më parë sekuestro tokës<br />Me kërkesë të Prokurorisë së Durrësit, gjykata vendosi në shtator 2016 sekuestro të pronës për të cilën u dhunua barbarisht biznesmeni libanez Fadi Mitri përfaqësues i kompanisë ?Omnix Albania?.<br /><br />Sipërfaqja prej 45 mijë metra katrorë i është njohur nga Gjykata e Durrësit, shtetasit Pal Selçuni. Sipas hetimeve të deritanishme, prokurorët kanë krijuar dyshime të arsyeshme se Selçuni e ka fituar pronën me anë të dokumenteve të falsifikuara.<br />Hetimet për pronën nisën pas rrahjes së biznesmenit Mitri, që për pasojë sollën edhe tërheqjen nga investimi prej 450 milionë dollarësh të firmës ?Omnix Albania?, në Gjirin e Lalzit. Selçunit iu njoh kjo pronë nga gjykata e Durrësit në Mars të 2016.
