Propozimi më i ri artistik, të paktën për shqiptarët e tij, i Robert Aliaj Dragot, quhet ?Tirana Horizontale?. I paketuar hijshëm, albumi me 24 fotografi, 24 shkrepje artistike, është një zhytje në dimensionin fizik dhe psikik të kryeqytetit të shqiptarëve. Nuk është Tirana, që të huajt i bëjnë qejfin, por ajo që ka humbur shumë nga identiteti i saj.<br /><br />?Përtej kësaj panorame fshihet mentaliteti, pretendojmë sikur e duam Europën edhe në fakt nuk e dimë që ne e urrejmë Europën, sepse e shohim Europën si një zgjidhje ekonomike dhe hallet tona janë të vogla, banale, janë mbijetesa. E gjithë kjo shprehet në këtë mënyrë agresive, nëpër këto imazhe?.<br /><br />Ngacmimin për të dokumentuar peizazhin urban që qyteti ia përplas në fytyrë në çdo ardhje të përkohshme në Tiranë, ia shkakton fenomeni.<br /><br />?E bukura në vetvete nuk më impresionon mua. Mua më impresionin mendimi, ajo që më provokon fenomeni. Qëllimi nuk është politikë. Unë kur dua të bëj politikë, e kam bërë shumë qartë?.<br /><br />24 plane fikse, të cilat artisti thotë se ato qëndrojnë në frontin e lirisë së shprehjes janë shumë funksionale. Mbi to mund të ndërtosh një dokumentar, një sekuencë filmi, një ekspozite apo...! <br /><br />Tv Klan
