Subscribe në Ora News këtu http://bit.ly/1s5j7UT<br /><br />Lufta kundër krimit të organizuar do të jetë një nga prioritetet kryesore të Ministrisë së Brendshme dhe policisë së shtetit për vitin 2018.<br /><br />Ministri Fatmir Xhafaj tha se janë drejt përfundimit të një database me të dhënat e të gjitha grupeve kriminale vepruese në vend.<br /><br />Xhafaj duke folur në Kuvend, tha se buxheti i planifikuar për rendin dhe sigurinë mundëson plotësisht prioritetet që kanë marrë përsipër.<br /><br />Përkundër të dhënave pozitive në raport me kultivimin e drogës, Xhafaj tha se do të vijojë goditja e fenomenit për të zeruar së paku kultivimin e kanabisit në vend.<br /><br />Xhafaj: Kanë ofruar mbështetje në asistencë teknike dhe mbështetje logjistike. Buxheti i planifikuar, më i madhi i akorduar nga qeveria shqiptrre në 10 vitet e fundit, mundëson plotësisht realizimin e prioriteteve që kemi marrë përsipër.<br /><br />Ne do të vazhdojmë me të njëjtën vendosmëri ta godasim këtë fenomen për ta bërë sot dhe në kohët që do të vinë situatën zero mundësisht në kultivimin e narkotikëve. Operacionet e ditëve të fundit të policisë në Tiranë, Durrës, Shkodër, Vlorë etj janë tregues për këtë gjë. Implikimi i punonjësve të policisë në trafikun e drogës si në rastin e Shkodrës është një motiv më tepër në rrugën tonë të pastrimit të policisë përmes procesit të vettingut. <br /><br />Policia e shtetit duhet dhe do të pastrohet me çdo kusht nga individë të tillë. Pak ditë më parë qeveria miratoi planin e veprimit për operacionin ?Forca e Ligjit?, i cili materalizon një qasje gjithëpërfshirëse ndërinstitucionale dhe ndërkombëtare në luftën ndaj krimit të organizuar. Një koncept terësisht i ri sa i takon hetimit të krimit sa i takon një tasforce speciale e cila përfaqëson të gjitha institucionet ligjzbatuese në vend që operojnë në këtë fushë.<br /><br />Për më shumë lexoni në: www.oranews.tv/article/xhafaj-drejt-perfundimit-database-me-grupet-kriminale-vepruese-ne-vend
