Subscribe në Ora News këtu http://bit.ly/1s5j7UT<br /><br />Emisioni investigativ ?BOOM? në Rtv Ora News denoncoi mbrëmjen sotme mungesën e një mbikalimi në zonën e ish-Kënetës në Durrës, që rrezikon jetën e rreth 400 fëmijëve të kësaj zone që shkojnë çdo ditë në shkollë.<br /><br />Autostrada ndan përgjysmë këtë zonë, prandaj fëmijë e të rritur kalojnë trafikndarësen për të shkuar në anën tjetër të rrugës ku ndodhet shkolla, Qendra Shëndetesore dhe Njësia Administrative.<br /><br />Gjatë vëzhgimit që bëri ?BOOM? në këtë segment rrugor konstatoi se situata është alarmante dhe fëmijët e vegjël kanë qenë shpesh dëshmitar të aksidenteve fatale në ketë pjesë të autostradës.<br /><br />Këtu shpejtësia e lejuar e mjeteve është 90 km në orë, aq sa është edhe shpejtësia në autostradën Tiranë-Durrës, por në ndryshim me këtë të fundit këtu mungojnë mbikalimet.<br /><br />Drejtoresha e shkollës 9 vjeçare në ish-Kënetë shprehet se kjo shkollë ka kapacitet për 1100 nxënës, por këtë vit numri i nxënësve ka rënë ndjeshëm pasi prindërit kanë frikë për jetën e fëmijëve.<br /><br />Prindërit çdo ditë presin te dera e shkollës që të marrin fëmijët, dhe shpesh janë të detyruar të mos shkojnë në punë.<br /><br />Mësuesja e klasave fillore në fund të mësimit i dorëzon fëmijën çdo prindi.<br /><br />?Kam ardhur të marr gocën e djalit, vi përditë se ma përplasin makinat. Nuk ka mbikalime, kalojnë në autostradë fëmijët. Rrezikon të na zërë dhe ne plakave jo nxënësit?.<br /><br />?Mësuesja na i dorëzon çdo ditë fëmijët se nuk kemi mbikalime. Detyrohemi të lëmë punën dhe të vimë ti marrim vetë. Shumë problem?.<br /><br />Për më shumë lexoni në: www.oranews.tv/article/boom-femije-e-te-rritur-ne-ish-kenete-sfidojne-vdekjen-nje-mbikalim
