Subscribe në Ora News këtu http://bit.ly/1s5j7UT<br /><br />Rreth 100 nxënës të shkollës së Mesme të Shupenzës në Bulqizë shfaqën probleme shëndetësore, pasi klasat ku mësonin u mbushën me tym e gaz pas vënies në punë të kaldajës që përdorej për ngrohje. Rreth 60 nxënës morën ndihmë mjekësore në spitalet e Bulqizës e Peshkopisë, ndërsa një 16 vjeçare u soll në Tiranë për trajtim të specializuar. Dhjetra nxënës të tjerë morën ndihmë ambulatore dhe u kthyen në banesë. Shkak për ngjarjen që mori përmasa alarmante dyshohet se u bë ndezja e kaldajës me pelet në një kohë kur oxhakët e pastrimit ishin të bllokuar.<br /><br />Mbi 100 nxënës të shkollës së mesme ?Rifat Manjani? në Shupenzë të Dibrës shfaqën probleme shëndetësore pasi vënia në punë e kaldajës së re dhe bllokimi i oxhaqeve mbushën klasat me tym dhe gazra.<br /><br />Edhe pse nxënësit thonë se dolën mejëherë nga klasat, rreth 60 prej tyre pësuan asfiksi, me dhimbje kokë, këputje e të vjella.<br /><br />34 u dërguan me urgjencë në spitalin e Bulqizës dhe 25 të tjerë në atë të Peshkopisë, ku morën ndihmën e parë mjekësore, dhe raportohet se janë jashtë rrezikut për jetën<br /><br />7 prej nxënësve ishin në gjendje më të rëndë, ndërsa një 16 vjeçare dhe një mësues i kësaj shkolle u sollën në Tiranë për kurim më të specializuar.<br /><br />Të tjerët morën trajtime mjekësore në dy spitalet rajonale, ku mjekëve lokalë u erdhën në ndihmë ekipe specialistësh nga Tiranë.<br /><br />Disa orë më pas mjekët në spitalin e Bulqizës deklaruan se situata ishte vënë nën kontroll, por nxënësit me probleme më të rënda do të mbahen nën mbikqyrje sipas procedurave mjekësore.<br /><br />?Deri tani në spitalin tonë kanë ardhur 23 nxënës, 6 ose 7 kanë qenë pak më rëndë se pjesa tjetër por është menaxhuar?.<br /><br />Rreth 50 nxënës të tjerë me probleme me të lehta morën ndihmë mjekësore në spitale dhe qendrat shëndetësore dhe janë rikthyer në shtëpi.<br /><br />Policia e Dibrës tha se nisi një hetim për shkaqet e ngjarjes, proces në të cilit u angazhuan edhe zyrtarët lokale.<br /><br />?Rrjedhja e gazit tani, policia ka ardhur dhe po bën ato hetimet e veta?.<br /><br />Përmasat alarmante që mori ngjarja bënë që Ministrja e Shëndetësisë Ogerta Manastirliu të ngrejë një task-forcë të posaçme për ngjarjen.<br /><br />Për më shumë lexoni në: http://www.oranews.tv/article/diber-dhjete-nxenes-asfiksohen-nga-rrjedhja-e-gazit
