http://www.vizionplus.tv<br />https://facebook.com/VizionPlusTV<br />https://instagram.com/vizionplustelevizion<br />https://twitter.com/VizionPlusTV<br />Kosova mbajti një ditë më parë raundin e dytë të zgjedhjeve për krerët komunalë.<br /><br /><br /><br />Gara më e ashpër u zhvillua në 6 qendrat e mëdha, Prishtinë, Prizren, Gjakovë, Ferizaj, Gjilan dhe Mitrovicë.<br /><br /><br /><br />Sipas të dhënave paraprake të publikuara nga Komisioni Qendror i Zgjedhjeve, Prishtina vazhdon të udhëhiqet nga Shpend Ahmeti i Lëvizjes Vetëvendosje, i cili kryeson me 300 vota më shumë se kundërshtari i tij i LDK-së Arban Abrashi. Por, sipas KQZ, janë edhe rreth 1500 vota me kusht, të personave me aftësi të veçanta, të burgosurve etj, për t?u numëruar, të cilat do të përcaktojnë fitoren.<br /><br /><br /><br />Në Prizren pas shumë vitesh qeverisje nga PDK, prin me 300 vota kandidati Mytaher Haskuka i Lëvizjes Vetëvendosje.<br /><br /><br /><br />Ndërkohë LDK do të vazhdojë të drejtojë Komunën e Gjilanit, Podujevës dhe Istogut, ndërsa është në garë të ngushtë në komunën e Dragashit me PDK-në.<br /><br /><br /><br />AAK siguroi fitoren në komunën e Gjakovës, që deri më tani ishte në drejtimin e Mimoza Kusari Lillës, si dhe në komunën e Suharekës që drejtohej nga LDK.<br /><br /><br /><br />Nisma për Kosovën, arriti të ruajë pushtetin në komunën e Malishevës, ndërsa 10 komunat me shumicë serbe do të drejtohen nga Lista Serbe e cila gëzon mbështetjen e Beogradit.<br /><br /><br /><br />Në zgjedhjet për krerët komunalë, partia e cila mori siguroi fitoren më të madhe është AAK-ja e udhëhequr nga Kryeministri Ramush Haradinaj.<br /><br /><br /><br />Në raundin e dytë të zgjedhjeve lokale morën pjesë 40% e votuesve me të drejtë vote, ndërsa procesi u zhvilluar kryesisht i qetë dhe pa incidente serioze. KQZ pritet të publikojë rezultatin përfundimtar në ditët në vijim.
