"Dilja me daulle dhe uroja Gëzuar Bajramin, për Ramazan"<br /><br />Të ofronin para për këtë?<br /><br />"Po, shumica po".<br /><br />Ku i çoje paratë?<br /><br />"Haja bukë për vete, haja bukë rrugës pastaj i çoja në shtëpi".<br /><br />Ky është rrëfimi i një 11-vjeçari, i cili në kushtet e varfërisë është detyruar të fitojë të ardhura për të ndihmuar familjen.<br /><br />Por, kjo i përket së shkuarës. Ai tashmë frekuenton një prej qendrave rezidenciale, sëbashku me 50 fëmijë të tjerë, është në shkollë dhe nuk del me për të fituar para.<br /><br />"Mbaroj shkollën, vij këtu dhe argëtohem. Loz, bëj detyrat..".<br /><br />Vogëlushi ka një motër me të vogël dhe nëna e tij është në pritje të një fëmije tjetër, për të cilin ai thotë se dëshiron të jetë djalë, por kurrsesi të ketë fatin e tij.<br /><br />"Kam një gjë që unë dua që të mos e bëjë vëllai im, të mos dalë me daulle si unë".<br /><br />11-vjeçari është vetëm një prej 1400 fëmijëve të identifikuar nga strukturat shtetërore si fëmijë në risk. Një pjesë e tyre tashme i janë rikthyer shkollës.<br /><br />"208 fëmijë, nga fëmijët e identifikuar në situatë rruge, futen në shkollë për herë të parë dhe 102 prindër kanë mundur të punësohen".<br /><br />Ministria e Shëndetësisë dhe Çështjeve Sociale Ogerta Manastirliu kaloi një ditë me këta fëmijë në qendrën Eden. Ajo bëri me dije se po punohet edhe ligjet për të mos lejuar me burgosjen e fëmijëve të mitur, por ngritjen e qendrave riedukuese për to./Tv Klan
