Subscribe në Ora News këtu http://bit.ly/1s5j7UT<br /><br />Makina private e një punonjësi policie u dogj mëngjesin e kësaj të marte në qytetin e Vlorës në një ngjarje që dyshohet të jetë e qëllimshme.<br /><br />Policia e Vlorës njoftoi se mori njoftim rreth orës 03:10 të mëngjesit për ngjarjen e regjistruar në lagjen ?Pavarësia? pranë palestrës së mundjes. Shërbimet e rendit dhe të zajrrëfikses shkuan pranë vendit të ngjarjes ku kanë bërë të mundur shuarjen e flakëve të zjarrit.<br /><br />Pas verifikimeve rezultoi se ky mjet tip ?Benz? është në pronësi të punonjësit të policisë Zini Zenelaj, inspektor në fshatin Babicë, më parë inspektor rendi në komisariatin e Vlorës.<br /><br />Hetimet e para përforcuan dyshimet se ngjarja është e qëllimshme. Në pjesën e përparme të makinës është konstatuar lëndë djegëse duke shkaktuar dëme më të mëdha në mjet.<br /><br />Ky është rasti i dytë i djegies së dyshuar të qëllimshme të një mjeti të efektivëve të policisë në qytetin bregdetar. Më 9 tetor në Vlorë u dogj makina e një tjetër polici.<br /><br />Policia e Vlorës thotë se po vijon ndërkohë hetimet për zbardhjen e plotë të rrethanave zjarrvënies së qëllimshme të mjeteve të uniformave blu.<br /><br />Për më shumë lexoni në: http://145.239.2.153/article/vlore-i-vihet-zjarri-nje-makine
